mavzular

Agrosanoat majmui tarmoqlari haqida batafsil tushuncha.

Agrosanoat majmui haqida tushuncha. Agrosanoat majmui (ASM) mamlakat xalq xo’jaligining muhim tarkibiy qismi bo’lib, qishloq xo’jalik mahsulotlarini yetishtirish va iste’molchilarga yetkazishda qatnashadigan tarmoqlarni o’z ichiga oladi.

ASM ning birinchi tarkibiy qismi qishloq xo’jaligini ishlab chiqarish qurollari bilan ta’minlaydigan sanoat tarmoqlari, ikkinchi, ya’ni asosiy tarkibiy qismi qishloq xo’jaligining o’zi va uchinchi tarkibiy qismi qishloq xo’jalik mahsulotlarini qayta ishlaydigan sanoat tarmoqlaridir.

O’zbekiston agrosanoat majmui oldida respublika aholisini oziq-ovqat, sanoatni xom ashyo bilan ta’minlash vazifalari turadi.

Agrosanoat majmuini yanada taraqqiy ettirish uchun respublikamiz ASM da jiddiy tarkibiy o’zgarishlarini amalga oshirish zarur. Dehqonchilik, chorvachilik, umuman qishloq xo’jalik mahsulotlarining asosiy qismini mamlakat hududida qayta ishlash kerak. Qishloq xo’jaligini zamonaviy ishlab chiqarish qurollari, kimyoviy o’g’itlar bilan yetarli darajada ta’minlash va uning mahsulotlarini qayta ishlaydigan korxonalarni jumladan, xorijiy mamlakatlar bilan hamkorlikda qo’shma korxonalar qurish davr talabidir. Ayni paytda qishloq joylarida iqtisodiy va ijtimoiy munosabatlar jiddiy ravishda o’zgarmoqda, jamoa va shirkat xo’jaliklari tugatilib fermer xo’jaliklar tashkil qilinmoqda. Qishloq xo’jaligida nodavlat sektorning ulishi oshib bormoqda. Shuningdek qishloq xo’jalik mahsulotlarini saqlash uchun yangi omborxonalar, sovuqxonalar qurish jiddiy vazifa bo’lib turibdi. Shu bilan birga respublika qishloq xo’jaligida ayrim muammolar ham mavjud. Eng avvalo dehqonchilikda ilmiy asoslangan almashib ekish tizimini to’liq amalga oshirishi va chorvachilik uchun yem-xashak bazasini kengaytirish talab etiladi.

Agrosanoat majmuining asosiy qismini qishloq xo’jaligi tashkil etadi. Qishloq xo’jaligining tarmoqlar tarkibi sanoatga o’xshab uncha boy emas. U ikkita yirik tarmoqqa bo’linadi.