Muqaddas Vatan bayrog’i haqida insho

0

Sahifamizda Bayroq haqida insho, matnlarni topishingiz mumkin.18-noyabr Bayroq haqida sherlar, bayroq rasmi va vatan haqida eng sara sherlar to’plami.

Bayroq haqida insho.

Davlat ramzlari hamisha muqaddas va ardoqli sanaladi. O’zbekistonning moviy, zangori, oppoq ranglarga uyqash, oy va kumush yulduzlar jilolanib turgan bayrog‘ini mag‘rur xilpirab turganini har gal ko‘rganda ko‘ngilda ajib tuyg‘ular uyg‘onadi, faxru iftixor vujudingni egallaydi.

Bayrog'imiz

Yer yuzida ikki yuzdan ortiq davlat mavjud va albatta, har bir davlatning o‘z ramzlari, bayrog‘i bor. Har bir bayroq ayricha rang va timsollarga ega. Ular bilan yonma-yon hilpirab turgan bayrog‘imiz hech kimdan kam emasligimiz va kam bo‘lmasligimizni ko‘rsatib turadi. Shuni aytishimiz lozimki, bayroq qadim-qadimdan har bir xalq uchun mustaqillik. hurlik, tinchlik va barqarorlik timsoli bo‘lib kelgan. Ajdodlarimiz ham yurt bayrog‘ini muqaddas bilib, uni ko‘z qorachig‘idek asraganlar.

Muqaddas Vatan bayrog’i.

Davlatchiligimiz tarixining qaysi davrini Muqaddas Vatan bayrog’i qaramaylik, bayroq ajdodlarimiz uchun ozodlik, kuch-qudrat, jasorat, g‘alaba timsoli bo‘lgan. Buyuk bobomiz Amir Temur ham davlat ramzlariga jiddiy eʼtibor qaratganini jang maydonida bir lashkar omon qolsa ham, Vatani bayrogʻini baland tutishiga farmon berganidan bilsa boʻladi. Amir Temur gʻoliblik bayrogʻini yuksak koʻtardi.

Tavsiya etamiz: Bayroq haqida sherlar, senariylar, rasmlar

Bu bayroq ostida buyuk el birlashdi, u barpo etgan ulugʻ saltanatni dunyo tan oldi. Sohibqiron bobomiz zamonida bayroqni past tutish yoki sarbozning qoʻlidan tushib ketishi xosiyatsiz sanalgan. Bunga Sohibqiron alohida eʼtibor bergan. Bayroqning pasaytirilishi magʻlubiyat va ortga chekinish ishorasi boʻlgan.

Nufuzli xalqaro sport musobaqalarida esa yurtimiz bayrogʻini baland koʻtarayotgan sportchilarimizning yutuqlari esa albatta, qalbimizni vatanparvarlik tuygʻusiga toʻldiradi. Oʻzbekistonimiz bayrogʻi bilan gʻurur va iftixorga toʻla manzaralar bizni fidoyilikka, vatanparvarlikka, yangi marralarga chorlaydi.

Bugun davlatimiz bayrogʻining qabul qilinganligiga 30 yil toʻldi. 1991-yilning 18-noyabri esa “Oʻzbekiston Respublikasining Davlat bayrogʻi toʻgʻrisida”gi qonun qabul qilingan sana sifatida tariximizga muhrlandi. Bayrog‘imiz, g‘urur va faxrimiz timsolidir. Vatanimizning beqiyos ramzidir.

Quyosh ko‘kda falakning bayrog‘i bo‘lib porlab turibdi, ko‘ngilda muhabbat bayrog‘i hilpiraydi, ongimizni esa tafakkur bayrog‘i nurlantiradi. Ozod va obod Vatanimiz — O‘zbekistonning bayrog‘i ham bizni ulug‘ maqsadlar tomon boshlovchi buyuk mash’aladir. Unda ajdodlar orzu-armoni aks etadi. Unda xalqimizning buguni, o‘lmas xotirasi, iymon-e’tiqodi, kelajakka bo‘lgan komil ishonchi jilolanadi.

Bayrog‘imiz davlat idora va tashkilotlari, ta’lim muassasalari, harbiy qismlar — qo‘yingki, barcha sarhadlarida hilpirab turibdi. Qurolli kuchlarimiz safiga chaqirilgan, harbiy ta’lim muassasalarini tamomlagan yoshlarimiz Davlatimiz bayrog‘i poyida Vatanni ko‘z qorachig‘iday asrash, uni o‘z sha’ni va nomusiday munosib himoya qilishga qasamyod qiladi.

Tavsiya etamiz: Vatan haqida sher

Vatan himoyasidek muqaddas burchni mardona o‘tash uchun bayrog‘imizni o‘pib qasamyod qilayotgan harbiylarimizning qalbidagi olovni. ko‘zlaridagi jo‘mardlikni ko‘rib, faxrlanamiz. Ana shunday lahzalarda hech mubolag‘asiz Vatanimiz bayrog‘ini ko‘zimizga to‘tiyo qilgimiz keladi. Bu faxrlanish aslida yurtga bo‘lgan cheksiz mehr va sadoqatning yorqin ko‘rinishidir.

Bayroq haqida sher.

Ko’hna tarix so’ylaydi bisyor,
Har vatanning dilkash tug’i bor.
El-yurt uchun yalov iftixor,
Dilga yaqin ko’zim qarog’i,
Sarbaland bo’l, Vatan bayrog’i!

Bayroqlariga xos eng yaxshi an’analar asosida yaratilgan O‘zbekiston bayrog‘i dunyoning barcha burchaklarida g‘urur bilan hilpirab, respublikani xalqaro maydonda namoyish etmoqda.

Istiqlol ramzlarini bilish, qadrlash va hurmat qilish har bir O‘zbekiston fuqarosining burchidir, chunki ular xalqimizning faxri va g‘ururi, vatanga sadoqat va muhabbat timsolidir.

Tavsiya etamiz: Vatan haqida sher