Vatan haqida maqollar. Vatanparvarlik haqida maqollar to’plami. Bolalar uchun o’zbek xalq maqollari.
Vatan – bu inson va uning avlod-ajdodlari kindik qoni to‘kilgan muqaddas dargohdir. Vatan – bu ajdodlar maskani, el-yurt, xalq voyaga yetgan, uning tili, tarixi, madaniyati, urf-odatlari, qadriyatlari chinakamiga shakllanib, o‘sib, kamol topib boradigan zamindir. Uni asrab avaylash har birimizning farzandlik burchimizdir.
Vatan haqida maqollar.
Vatani borning baxti bor,
Mehnati borning — taxti.
Vataning tinch — sen tinch.
Vatanni sotgan er bo’lmas.
Vatanning vayronasi — umrning g’amxonasi.
Vatanning vayronasi — Umrning hayronasi.
Vatansiz inson — kuysiz bulbul.
Dushmanga nafrati bo’lmaganning Vatanga muhabbati bo’lmas.
Tug’ilgan yering — Vataning,
Vataning — nomusing.
El qudrati — chin qudrat,
Vatan tuprog’i — qimmat.
O’lsang o’l,
Vataningda bo’l.
Er yigit o‘zi uchun tug‘ilar,
Eli uchun o‘lar.
Elga xizmat — oliy himmat.
Yoringni gul orasidan izla,
Erkingni — el orasidan.
Vatanga kelgan — imonga kelar.
Baliq suv bilan tirik
Odam el bilan.
Begona tuproq – devona tuproq.
Vatanga falokat – o’zingga halokat.
Vatan gadosi – kafan gadosi.
Vatan uchun o’lmoq ham sharaf.
Ona yerning tuprog‘i — ona sutidan aziz.
Yurtda odam bo‘lmasa,
To‘ng‘iz tepaga chiqar.
Elli yer — bozor,
Elsiz yer — mozor.
Yoridan ayrilgan yetti yil yig‘lar,
Yurtidan ayrilgan o‘lguncha yig‘lar.
Qush ham ketsa keladi,
O’z elini sevadi.
El g‘amini bilgan elda doston.
Elda bori — senda bori.
Ona yurting omon bo‘lsa,
Rangi ro‘ying somon bo‘lmas.
Kishi yurtida sulton bo‘lguncha,
O‘z yurtingda ulton bo‘l.
O‘zga yurtning gulidan,
O’z yurtingning cho‘li yaxshi.
El kuyunganda kuyungan — botir,
El suyunganda suyungan — botir.
Vatangado bo‘lguncha,
Kafangado bo‘l.
El boshiga tushgani — Er boshiga tushgani.
Yaxshi yigit yurt tuzar,
Yomon yigit yurt buzar.
Yurtim — ko‘ksim,
Elim — iligim.
O‘lsang o‘l,
Vataningda bo‘l.
Har shaharning havosi boshqa.
Fil tushida Hindistonni ko‘rar.
Sigirning suti — tilida,
Erning quti — elida.
Non gadosi bo‘lsang ham,
Yurt gadosi bo‘lma.
Qorong‘i qolgan yurtda,
Qorashaqshaq podsho bo‘lur.
Ayrilmagin elingdan,
Quvvat ketar belingdan.
Tavsiya etamiz: Vatan haqida sher
